宁波民谣：不老歌（新编）

人老啥个老？人老腿脚老！阿爷棒一拄，不怕狗来咬。

人老啥个老？人老眼睛老！花镜架一罩，报纸字盯牢。

人老啥个老？人老耳朵老！助听器一靠，抖音刷得爽。

人老啥个老？人老牙齿老！活动牙一嵌，蟹脚照样咬。

人老啥个老？人老胃口老！咸齑炒年糕，味道交关好。

人老啥个老？人老困觉老！小曲哼几调，瞌睡自然到。

人老啥个老？人老脑筋老！传统记得牢，古话一箩筐。

人老啥个老？人老往事老！老友常聚唠，情义不会跑。

人老啥个老？人老心态老！旧事莫去管，新事学到老。

人老啥个老？人老思绪老！岁月催鬓白，心态永不老。

人老啥个老？人老阅历老！酸甜苦辣咸，口福享到老。

人老啥个老？人老心莫老，烟舞酒麻撩，时尚不会老！

只要思想不滑坡，办法总比困难多。

天生我材必有用，嘴巴一歪讲大道！

网络图片